بادام میٹھا
لاطینی/ نباتاتی نام PRUNUS AMYGDALUS BATSCH
(عربی) طوفا ۔ (فارسی ) بادام شیریں ۔ (ہندی) بادام میٹھا ۔ ( بنگالی) کاٹھ بادام مِشٹی ۔ (انگریزی) آمنڈ ALMOND SWEET ۔
مشہور عام میوہ ہے۔
رنگ : باہر سے سفید سرخی مائل مغز سفید
ذائقه: شیریں و خوش مزه
مزاج: گرم وتر درجہ ا ۔ نزد بعض معتدل
مقدار خوراك: مغز بادام ۷ عدد سے اا عدد تک ۔ روغن بادام 3 گرام سے 12 گرام تک
مقام پیدائش: کشمیر، ایران، افغانستان
مصلح: مصطگی، نبات سفید
افعال و استعمال: مقوی ومرطب دماغ ، ملین شکم ، ملین صدر، منوم اور جالی ہے ۔ بصارت کو فائدہ دیتا ہے۔ سینہ اورطبیعت کونرم کر تا ہے ۔ منی بھی پیدا کر تا ہے ۔ بدن کوفربہ کر تا ہے ۔ خشک کھانسی اورمثانہ کے خراش کو نافع ہے۔ اس کے سوختہ چھلکے کا منجن دانتوں کو صاف اور مضبوط کرتا ہے ۔ اس سے روغن بھی نکالا جا تا ہے جس کو تقویت دماغ کے لیے سر پرلگاتے ہیں ، اور رفع قبض دائمی کے لیے دودھ میں شامل کر کے رات کو سوتے وقت پلاتے ہیں ۔
اگر حاملہ عورت ساتویں مہینے سے چمچہ خرد بھر رات کو سوتے وقت پینا شروع کردے تو بچہ کی پیدائش میں سہولت ہوتی ہے۔
کیمیائی تجزیہ: سے پہ چلا ہے کہ بادام میں پروٹین کی مقدار 20 فیصد روغن 53 فیصد نشاسته ، شکر، وٹامن Bون ، ریبوفلاوین (وٹامن B2 ) ، وٹامن سی اورای، فولاد کیلشیم دودھ سے دوگنی مقدار میں ہو تا ہے۔
