ایرسہ ، سوسن

 ایرسہ   :

  لاطینی/ نباتاتی نام    IRIS GERMANICA LINN 

(عربی ) سوسن ۔ (انگریزی) اورس روٹ ORRIS ROOT ۔ 

نیلے پھول والی سوسن کی سخت گره دار جڑ ہے ۔ اس سے بنفشہ کی مانند خوشبو آتی ہے ۔ اس کی قوت ایک سال تک قائم رہتی ہے ۔ ایرسہ فارسی میں بیخ بنفشہ کے نام سے مشہور ہے لیکن بنفشہ سے اس کا کوئی تعلق نہیں ۔ 

نبات ایرسہ کے درمیان سے ایک سیدھی ڈالی نکلتی ہے ۔ جس کے آخری سرے پر پھول ہوتا ہے اور ہر پھول میں تین پھنکڑیاں ہوتی ہیں ۔ جن کی رنگت زرد، سفید اور نیلگوں مختلف الالوان ہوتی ہے ۔

رنگ: بیرونی چھلکا نیلا سرخ ۔ اندر سے سفید یا زرد سرخی مائل 

مزاج: گرم و خشک درجہ دوم 

مقدار خوراك: تین گرام سے پانچ گرام تک

 مقام پیدائش: کشمیر و کابل ، ایران

 افعال و استعمال: ملطف ،  مسخن ،  مفتح ، مدر اورمسہل بلغم غلیظ وصفرا ہے،انہی افعال کے باعث استسقا، یرقان وغیرہ میں نافع ہے ۔ اسے خوشبودار ہونے کی وجہ سے پر فیومری میں استعمال کیا جا تا ہے اور سنونات میں شامل کرتے ہیں ۔ علم الادویہ ڈاکٹری میں اس کا بیان موجود ہے اور اس کا خلاصہ

آئری ڈین ( جوہر ارسا) جگر کے فعل کی سستی کے علاج میں داخلاََ مستعمل ہے۔