بہیدانہ ، بہدانہ ، حب السفرجل ، تخم سفر جل

 بہیدانہ ، بہدانہ 

لاطینی نباتاتی نام   CYDONIA OBLONGA VULGARIS 

 (عربی) حب السفر جل  ( فارسی) تخم سفر جل ۔ (انگریزی) QUINCE SEEDS

 

بہی کے لعاب داربیج ہیں ۔

 رنگ: سیاہ و سرخ

 ذائقه: لیس دار پھیکا 

مزاج: سردوتر درجه دوم 

مقدار خوراك: 3 گرام تا 5 گرام 

مقام پیدائش: سطح سمندر سے ہزار فٹ کی بلندی تک گرم علاقوں میں ۔

 مصلح: شکر و بادیان

 افعال و استعمال: مزلق ومغری ، مسکن حرارت ۔ بہدانہ کا لعاب گرم بخاروں سل ودق ،نزلہ زکام ،زبان کی سوزش اور کھانسی گرم میں بکثرت مستعمل ہے۔

مسکن حرارت معدہ ہے۔ حلق کی خشونت و زبان کی خشکی ، پیچش اور سوزش امعا کومفید ہے ۔ سپستان کے ہمراہ جوش دے کر نمونیا میں پلاتے ہیں۔ بہدانہ میں نزلہ کو بہانے کی قوت ہے اور گاؤ زبان میں روکنے کی ۔ خسرہ سے آرام ہونے پراکثر بچوں کوگرمی کے دست آنے لگتے ہیں۔ایسی حالت

 میں بہدانہ اسپغول کا لعاب شربت صندل اور عرق کیوڑہ ملاکر پلاتے ہیں ۔۔ (غیرسمی)