زراوند دراز ، زراوند ،

زراوند دراز  :

 لاطینی/ نباتاتی نام ARISTOLOCHIA BRACTEOLATA LAMK

 (فارسی ۔عربی) زراوند ۔ (انگریزی) اریسٹولوکیا ARISTOLOCHIA

زراوند ایک درخت کی جڑ ہے۔ بڑی کو زراوند طویل ( ارسٹولو کیالونگا) چوٹی کو زراوند مد حرج ( ارسٹولوکیا روٹنڈا) کہتے ہیں۔ دونوں کی تاثیر قریب قریب ہے، زیادہ مستعمل مد حرج ہے۔

رنگ: سرخ سیاہی مائل ۔

ذائقه: تلخ ۔

مزاج گرم درجہ سوم خشک درجہ دوم ۔

مقدار خوراك: تین گرام تا پانچ گرام ۔

افعال و استعمال: مدر بول وحیض ، محلل ، مسخن ، منفث ، مسہل بلغم ، قاتل کرم شکم ، جالی ،احتباس بول وحیض و نفاس وتنقیہ رحم اور اخراج جنین کے لیے اندرونی و بیرونی طور سے مستعمل ہے۔ رطوبت کو جذب کرتی ہے اور خون سرد اور ریاح کو تحلیل کرتی ہے ۔ بلغم کو چھانٹتی ہے سدہ کوکھولتی ہے، پیٹ کے کیڑے نکالتی ہے۔