یاقوت ، نیلم ، پکھراج ، روبی

یاقوت   :

 

 (عربی ۔ فارسی ) یاقوت (انگریزی) روبی RUBY ۔

 

ایک قیمتی پتھر ہے جو مختلف رنگ کا ہوتا ہے۔ یاقوت سفید کوپکھراج اور کبود کو نیلم کہتے ہیں ۔

 

رنگ: سرخ ، براق ۔

 

ذائقه: پھیکا ۔

 

مزاج : معتدل ۔

 

بدل: ایک قسم دوسرے کی بدل ہے ۔

 

مقدار خوراک: ایک رتی 125mg ۔

 

افعال و استعمال : مفرح ، مقوی قلب ، مقوی دماغ ، منعش و حافظ حرارت غریزی ، نفث الدم اور دافع ضرر ہواۓ وبائی خیال کیا جاتا ہے۔  یاقوت کو نہایت باریک کھرل کرکے مفرحات ویاقوتیات میں شامل کرتے ہیں جو تفریح وتقویت قلب اور انتفاش و حفاظت حرارت غریزی کے لیے مستعمل ہیں ۔ اس کا کشتہ تقویت اعضائے رئیسہ جنون ،  مرگی ،  خفقان ، وبائی طاعون ، جریان خون اور سل ودق میں مستعمل ہے۔ اکتحالاََ ضعب بصر میں بھی استعمال کرتے ہیں۔

(غیرسمی )

کیمیائی ترتیب :  یاقوت میں فولاد ،  کرومیم ، ٹائی ٹے نیم ، تانبا اور ایلومینیم وغیرہ پائے جاتے ہیں۔