منڈوا ، منڈل ، مرورا

منڈ وا  ( منڈل) :

 

 لاطینی نباتاتی نام   ELEUSINE CORACANA

 

( بنگالی ) مرورا۔ (انگریزی) انڈین لیٹ INDIAN MILLET ۔

 

اس کو لچھمنا بھی کہتے ہیں ۔ ایک قسم کا غلہ ہے جس کے دانے سرخ رائی کے مشابہ ہوتے ہیں ۔ اس کا خوشہ پنجہ دست کی مانند ہوتا ہے۔ یہ چاولوں کے ہمراہ بویا جاتا ہے ۔  فصل خریف میں پیدا ہوتا ہے۔

 

رنگ: باہر سرخ اندر سفید ۔

 

ذائقه: پھیکا ۔

 

مزاج : سرد و خشک بدرجہ سوم ۔

 

مصلح: کھانڈ اور گھی ۔

 

افعال و استعمال: دیہاتی منڈوے کے آٹے کی روٹی پکا کر کھاتے ہیں ۔  قلیل الغذا اور دیر ہضم ہے۔ محلل اورام بطورسینک کے ہے ۔ اگر لکڑی بدن پرملی جائے تو اس کو پیس کر لگانا مفید ہے۔