مویزج :
لاطینی/ نباتاتی نام DELPHINIUM STEPHISAGRIA
(عربی) زبیب الجبل ۔ (فارسی ) مویزک کوہی ۔ (
ہندی) جنگلی داکھ ۔ (انگریزی) سٹیوسکرسیڈز STAVESACRE SEEDS۔
ایک بیل دار
نبات کا سہ گوشتہ خم دار تخم ہے ۔ چھلکا جھری دار ہوتا ہے۔ اندر سے مغز ملائم ،
سفید اور روغنی نکلتا ہے یہی مغز مستعمل
ہے۔ اس کی بیل انگور کی بیل کی طرح ہوتی ہے ۔
رنگ : بھورا سیاہی مائل ۔ مغز سفید ملائم ۔
ذائقہ : تیز
مخرش اور تلخ ۔
مزاج: گرم و
خشک بدرجہ سوم ۔
مقام پیدائش:
انگلستان ، افریقہ کے پہاڑ ۔
افعال و
استعمال: جالی اور قاتل کرم ہونے کی وجہ سے جوؤں کو مارنے کے لیے پیس کر سر پر
لگاتے ہیں ۔ اس کو بدن کے ساتھ لگنے والے کپڑوں ۔ (بنیان ۔ کرتہ ۔ پاجامہ ) کے
اندر کی طرف بھی چھڑکنا چاہئے۔ مویزج
کو سرکہ میں
جوش دے کر غرارے کرنے سے درد دنداں کوتسکین ہوتی ہے ۔ ڈاکٹروں کو بھی اس کی
داقع پیراسائیٹ یعنی قاتل کرم خاصیت سے
اتفاق ہے اور وہ جویں مارنے کے لیے اس کا مرہم استعمال کرتے ہیں ۔ اس دوا میں دو
نہایت زہریلے جوہر پائے جاتے ہیں ۔ اس لیے اس کو اندرونی طور پر استعمال نہ کرنا
چاہیے ۔
(
سم قاتل)
کیمیائی تجزیہ: سے مویزج میں حسب ذیل اجزاء پائے جاتے ہیں ۔ سٹیفی سیگرین ، ڈلفی نین اور
روغنی مادہ۔
