کچالو ، بنڈا

کچالو  :

 مشہور ترکاری ۔ گول لعاب دار جڑ ہے ۔ گھنیاں یعنی اروی کی قسم سے ، اس کو بنڈا بھی کہتے ہیں۔ بستانی  و صحرائی دو اقسام ہوتی ہیں ۔ اس میں بھی کسی کسی میں ارویاں لگی ہوتی ہیں ۔

مزاج :  سرد خشک بدرجہ دوم ۔

مصلح: منہاری نمک اورترشی ۔

بدل: اروی ۔

افعال و استعمال : اس کے خواص و فوائد اروی کی طرح ہیں مگر بہ نسبت اروی کے یہ نرخرے کو زیادہ مضر ہے ۔ تندور میں بھون کر یا پانی میں جوش دے کر اور ترشی ملا کر کھاتے ہیں۔ ہندواس کے پتوں کی ترکاری کھاتے ہیں ۔ نفاخ ، دیر ہضم اور مقوی باہ ہے۔ خلط غلیظ پیدا کرتی ہے جریان منی کومفید ہے۔