ناخونہ :
لاطینی نباتاتی نام MELILOTUS OFFICINALIS LINN
(عربی)
اکلیل الملک ۔ (فارسی) گیاه قیصر۔ (سندھی) اسپرگ ۔ (انگریزی) کوماریم COUMARIUM۔
یہ ایک بوٹی
کی پھلیاں ہیں ۔ جو چھوٹی چھوٹی تراشئہ ناخن کے برابر اور اس کی مانند ہلالی شکل
کی ہوتی ہیں ۔ ان کے اندر چھوٹے چھوٹے گول بیج بھی ہوتے ہیں ۔ محیط اعظم میں لکھا
ہے کہ یہ دوقسم کا ہوتا ہے اور دونوں میں سے میتھی کی مانند بو آتی ہے ۔ بنگال اور
بلگام میں بطورسبزی بوتے ہیں اور وہاں اس کا نام تراپا مشہور ہے۔۔
رنگ: بھورا ۔
ذائقہ: قدرے
تلخ ۔
مزاج: گرم خشک
بدرجہ اول ۔
مقدار خوراک:
دوگرام سے چار گرام تک ۔
مصلح: شہد
وانجیر ۔
افعال و
استعمال: محلل و منضج اورام ، مقوی اورام ،
مسکن درد ، مدر بول وحیض ، ورموں کو تحلیل کرنے اور اعضاء کو تقویت دینے
اور گرمی پہنچانے کے لیے بطور ضماد یا مالش استعمال کرتے ہیں ۔ جگر طحال ، معدہ ،
رحم ، مقعد انثین کے ورم اور دردوں کو زائل کرنے میں اندرونی وبیرونی دونوں طرح
مستعمل ہے ۔ فالج میں بھی اس کا جوشاندہ
پلاتے ہیں اور بیرونی طور پر لگاتے ہیں ۔ اس کے جوشاندہ کا حقنہ آنتوں کو قوت
پہنچانے کے لیے کرتے ہیں ۔
(غیر
سمی )
