کیکر :
لاطینی/ نباتاتی نام ACACIA ARABICA
(اردو)
ببول ۔ ام غیلان ۔ (فارسی) مغیلان ۔ (بنگالی) بابلا ۔ (سندھی) ببر (گجراتی) بادل
(انگریزی) ACACIA
۔
مشہور خاردار
درخت ہے۔ اس کی چھال میں ٹے نین کی کثیر مقدار موجود ہوتی ہے ۔ اس کے بیجوں اور
پھلیوں کے عصارہ کواقاقیا کہتے ہیں
رنگ: پتی سبز
، پھول زرد، پھلی سبز خشک ہو کر بھوری ۔
ذائقہ : چھال
کسیلا ۔
مزاج: سرد
وخشک ۔
مقدار خوراك:
5 گرام سے 7 گرام تک ۔
مقام پیدائش:
ہندوستان ، پاکستان ، دکن اور کارومنڈل کے
ساحل پر بکثرت پیدا ہوتا ہے ۔
افعال و
استعمال: قابض ، مجفف ، مبرد ، پوست ببول
چمڑا رنگنے کے کام میں لائی جاتی ہے۔ اس کی چھوٹی چھوٹی شاخیں دانتوں کو صاف کرنے
کے لیے بطور مسواک استعمال کرتے ہیں ۔ پوست ببول اور بادام کے چھلکے کو جل کر
پیسنے اور نمک ملا دینے سے عمدہ سنون بن جاتا ہے ۔ برگ نورستہ ببول کو زیرہ اور غنچہ انار کے
ہمراہ پانی میں پیس کر اسہال اطفال میں
دیتے ہیں اور گوند کا سفوف رقت منی ، سیلان الرحم
، سرعت انزال اور جریان کو نہایت مفید ہے ۔۔
پوست ببول کے جوشاندہ سے امراض حلق میں غرارے
اور سیلان الرحم میں اس سے استنجا کراتے ہیں ۔ اس میں بیس فیصد ٹے نین ہوتا ہے۔
کیمیائی تجزیہ: کیکر کی چھال میں ٹیفین اور اریک
ایسڈ ، کیلشیم ، مگنیشیم پوٹاشیم ، شکر
اور کھار موجود ہے۔
