موصلی سفید :
لاطینی نباتاتی نام ASPARAGUS ADSCENDENS ROXB
(فارسی
) موصلی سپید ۔ (بنگالی) سادا موسلی ۔ ( گجراتی ) دھولی موصلی۔ (سنسکرت ) شویت
موصلی ۔ (انگریزی) گارڈن ایسپریگس GARDEN ASPARAGUS۔
ایک پودے کی شکن دار جڑ ہے ۔ شقاقل کی مانند
چھوٹے چھوٹے کاٹے ہوئے ٹکڑوں میں دستیاب ہوتی ہے ۔ اس پودے کے پتے مکئی کے ننھے
پودے جیسے لمبے اور نوک دار ہوتے ہیں ۔
پتوں کی چوڑائی آدھ انچ سے ایک انچ تک اور لمبائی 8 اینچ سے ۱۰ انچ تک ہوتی ہے ۔
پتے جڑ سے نکلتے ہیں ، اس کا تنا نہیں ہوتا ۔ جڑیں جڑواں ، دو ہوتی ہیں ایک پرانی
جڑ اور اس کے ساتھ ایک نئی جڑ ۔ یہ نئی جڑ ہی موصلی سفید ہے۔ پرانی جڑ بے کار ہوتی
ہے۔ بعض مصنفین نے لکھا ہے کہ یہ سفید اور سیاہ دوقسم کی ہوتی
ہے ۔ سفید
موصلی اور سیاہ موصلی دو مختلف نبات کی جڑیں ہیں ۔
رنگ: سفید شفاف ۔
ذائقہ : لعاب
دار پھیکا ۔۔
مزاج گرم ۱ ۔
خشک ۲ ۔
مقدار خوراک:
چھ گرام ۔
مقام پیدائش :
کشمیر ، کوه مری ، ڈلہوزی ، شملہ ، میسوری
، چکروتہ، جہاں سردیوں میں برف پڑتی ہے ۔۔
مصلح: شیر
گاؤ۔
بدل : ثعلب
مصری ۔
افعال و
استعمال: مقوی باہ ومولد و مغلظ منی ہے ۔ بدن کو مضبوط بناتی ہے۔ باہ کو حرکت دیتی
ہے اور منی کو گاڑھا اور زیادہ کرتی ہے ۔
ثعلب کی عمدہ قائم مقام ہے ۔ مقوی باہ معاجین اور سفوفات میں شامل کرتے
ہیں۔ اس کی تازہ جڑوں کو شقاقل ہندی کہتے ہیں جن سے مربا شقاقل تیار ہوتا ہے ۔
(غیرسمی)
کیمیاوی تجزیہ: موصلی میں حسب ذیل اجزاء پاۓ جاتے
ہیں ۔
گلوکوز ڈی ، ڈی مینوز ،آرتھو بیٹاڈی ،گلوکو
پارانوسائل ، ڈی نیو پائرانوز ۔
