عقیق :
لاطینی نام
SILICON
DIOXIDE
(فارسی
۔ عربی ) عقیق یمنی ۔ (انگریزی) کارنی لین CORNELIAN ۔
مشہور پتھر ہے
جو چمکدار اور صاف ہوتا ہے جس وقت کان سے نکلتا ہے ۔ کم رنگ ہوتا ہے ۔ پکانے سے
رنگین ہو جاتا ہے۔ سرخ وشفاف اعلی قسم سمجھی جاتی ہے۔ جس ٹکڑے میں مختلف رنگ کے
طبقات یعنی پرت ہوتے ہیں اس کو جزع کہتے ہیں ۔
جس جزع میں صرف سفید و سیاہ دو رنگ ہوتے ہیں اس کو سنگ سلیمانی کہتے ہیں
اور جس جزع میں سبز وزرد خطوط ہوتے ہیں وہ لہسنیا کہلاتا ہے ۔
رنگ: مختلف
عموماََ سرخ چمکدار ۔
ذائقه: پھیکا
۔
مزاج: سرد
وخشک درجہ دوم ۔
مقدار خوراک:
750 ملی گرام سے 1 گرام ، کشته 125 ملی گرام سے 500 ملی گرام ۔
مقام پیدائش:
اس کی کان یمن میں ہے ۔
مصلح: کتیرا
وشکر سفید ۔
بدل: بیخ
مرجان ۔
افعال
واستعمال: مقوى ومفرح قلب ، خفقان کو نافع ، مقوی بصر۔ اس کو قلب پر لٹکانا دافع
خفقان ہے ۔ اس کا کشتہ سیلان خون کو بند کرتا ہے۔ کثرت حیض ، نفث الدم اور خفقان
میں کھلایا جاتا ہے۔
کیمیائی
تجزیہ: اس میں نمایاں عناصر ۔ ایلومینیم ، سیلیکان ، لوہا اور میگنیشیم پاۓ جاتے
ہیں۔
(غیرسمی)
