منقی :
لاطینی/
نباتاتی نام VITIS VINIFERA
(عربی
) کشمش ۔ (فارسی ) مویز ۔ (سندھی ) کاری
داکھ ۔ ( ہندی ) منکا ۔ (انگریزی) ریزنز RAISINS ۔
مویز جس کو
عرف عام میں منقی (یعنی صاف کی ہوئی ) کہتے ہیں ۔
یہ دراصل دھوپ میں خشک شدہ انگور ہے ۔ یہ ایک خاص قسم کے انگور سے تیار کیا
جا تا ہے ۔ اس کی چھوٹی قسم کا نام کشمش ہے۔
رنگ: سیاہ ۔ سرخی مائل ۔
ذائقہ : شیریں
۔
مزاج : گرم و
تر بدرجہ اول ۔ مائل به اعتدال ۔
مقدار خوراك:
دس دانہ ۔
مقام پیدائش :
کشمیر و افغانستان اور ہندوستان ۔
افعال و
استعمال : كثير الغذاء ، ملطف ، منضج
اخلاط غليظ ، مفتح سدہ ، محلل اورام ،
مقوی جگر ، ملین شکم اور مسمن بدن ہے ۔
مریض کو جب غذا نہیں دیتے اس وقت مویز کھلاتے ہیں ۔ تلئین کے لیے بادیان کے
ہمراه بصورت شیرہ دیتے ہیں ۔ امراض باردہ میں اخلاط غلیظہ کونضج دینے کے لیے بھی
دیگر ادویہ منضجہ کے ہمراہ استعمال کرتے ہیں ۔ اس کا بیج دور کر کے استعمال کریں ۔
بریاں کر کے گرم گرم کھلانا کھانسی کو مفید ہے ۔
کیمیاوی تجزیه
: پروٹین ، چکنائی
، کاربوہائیڈریٹس ،
کیلشیم ، فاسفورس ، آئرن
، وٹامن اے سی اور بی کی کچھ مقدار
موجود ہے ۔
