کبر کی جڑ :
لاطینی/
نباتاتی نام CAPPARIS SPINOSA
(عربی
) اصل الکبر ۔ ( فارسی) بیخ کبر۔ (انگریزی) روٹ آف سیپر پلانٹ ROOTS OF CAPER PLANT ۔
ایک خاردار
درخت کی جڑ ہے ۔ اس کا پھل مثل کھیرے کے ہوتا ہے۔ اس لیے اس کو خیارکبر کہتے ہیں ۔
جڑ سفید رنگ کی بڑی اور لمبی ہوتی ہے ۔ اس کا پوست موٹا ہوتا ہے۔ جو خشک ہونے
پرلکڑی سے جدا ہوجاتا ہے اور پوست بیخ کبر کے نام سے مستعمل ہے ۔ بعض اطباء نے کبر
کو کریل کا مترادف قرار دیا ہے۔
رنگ: سفید ۔
ذائقه: تلخ ۔
مزاج: گرم و
خشک بدرجہ دوم ۔
مقدار خوراك:
4 گرام سے 7 گرام ۔
افعال و
استعمال : جالی ، محلل اورام وریاح ہے ۔ بلغمی وعصبی امراض دماغی ، وجع مفاصل ،
نقرس ، عرق النسا کو نافع ، درد دنداں کو رفع کرنے کے لیے پوست بیخ کبر کو سرکہ میں جوش دے کر غرارے کراتے ہیں ۔
ورم طحال تحلیل کرنے کے لیے اس کا پھل سرکہ میں پروردہ کرکے کھلاتے ہیں ۔
کیمیائی
تجزیہ: معلوم ہوا ہے کہ کبر میں روئین نامی جوہر ہوتا ہے۔
