فیروزه :
(عربی) فیروزج ۔ (فارسی) پیروزہ ۔ (بنگلہ) اپ
رتن و شیش ۔ ( انگریزی) ٹرکوئز TURQUOISE ۔
ایک قیمتی
پتھر ہے ۔ اس کے نگینے بنائے جاتے ہیں ۔ سب سے بہتر فیروزہ نیشا پوری ہے جس کا
معدن کوہستان نیشا پور ہے۔ نیشا پور کے فیروزہ میں نیلا پن ہوتا ہے اسلیے اس کونیل
بوم کہتے ہیں ۔ شیراز اور کرمان کی کانوں سے جو فیروزہ نکلتا ہے اس کا رنگ سفیدی مائل ہوتا ہے۔ اس کو
شیر بوم کہتے ہیں۔
رنگ: سبز ،
نیلگوں ۔
ذائقہ: پھیکا
۔
مزاج: سرد ۱ ۔
خشک۳۔
مقدارخوراك:
500 ملی گرام سے 2 گرام تک ۔
مصلح: کتیرا ۔
بدل: زمرد ۔
افعال و
استعمال: مفرح و مقوی قلب ، مقوی دماغ اور دافع زہر ہے۔ اس کو زیادہ تر امراض قلب
و دماغ میں دیتے ہیں ۔ شراب خالص میں گھس کر پلانے سے زہر کا اثر دور ہوجاتا ہے۔
آنکھوں کی بیماریوں کے لیے مفید ہے ۔ ضعف بصارت ، ڈھلکا اور آنکھ کے زخموں میں اسے
گھس کر لگاتے ہیں ۔
کیمیائی تجزیه
: ایلومینیم ، فاسفورس ، کاپر اور آئرن پائے جاتے ہیں ۔
