گل آچین :
لاطینی نباتاتی نام PLUMERIA OBTUSA LINN
(ہندی) گلا چین ۔ گلانچی ۔ (فارسی ) گلا چین ۔
(انگریزی) ٹیمپل ٹری TEMPLE TREE ۔
ایک بڑے درخت
کا پھول ہے جس کے پتے آم کے پتوں سے بڑے اور موٹے ہوتے ہیں ۔
رنگ: پھول
سفید ۔ پتے سرخ ۔
ذائقہ پھیکا ۔
مزاج: گرم۲۔ خشک ۲ ۔
مقدارخوراك:
پوست 3 گرام تا 5 گرام ۔
مقام پیدائش:
جنوبی ہند کا ساحلی علاقہ ۔
افعال و
استعمال: اس کا پھول پان میں رکھ کر دموی
بخار میں کھلاتے ہیں ۔ اس کے دودھیا رس میں بھنے ہوئے چار چاول تر کرکے کھلانے سے
اسہال ہو جاتے ہیں ۔ اس کے پتوں کی پلٹس بنا کر اورام صلبیہ تحلیل کرنے اور پکانے
کے لیے باندھتے ہیں ۔ جڑ کا چھلکا مسہل قوی ہے ۔ اس کے استعمال سے اسہال ضرورت سے
زیادہ آنے لگیں تو چھاچھ پینے سے بند ہوجاتے ہیں ۔ پوست درخت آچین کو پانی میں جوش
دے کر امراض فساد خون ، آتشک ، سوزاک وغیرہ میں پلاتے ہیں۔
12 گرام پارہ کو نصف پاو گلاچین کی دودھ میں کھرل کرنے سے پارہ بستہ ہوجاتا ہے
۔
