گوشت مرغ :
(عربی)
لحم الدجاج ۔ (فارسی ) گوشت خردش وماکیاں ۔ (سندھی) ککڑ جو گوشت ۔ (انگریزی) فاولز میٹ FOWL'S MEAT ۔
مرغ کے گوشت
میں ۲۳ فیصد نائٹروجنی اجزاء اور ایک فیصد نمکیات ۳ فیصد چربی اور باقی پانی ہوتا
ہے ۔
رنگ: سفید ۔
ذائقه : پھیکا ۔
مزاج : گرم تر
۔
افعال و استعمال : کثیر الغذ اور مولد خون صالح
ہے۔ عقل بڑھاتا ہے ۔ فہم وفراست اور دماغ کو چست و چالاک بناتا ہے ۔ مقوی باہ
، قولنج کو نافع ، رنگ و آواز کو صاف کرنے
والا ۔ چوزہ مرغ کا شوربہ سوزش معدہ کو
تسکین دیتا ہے ۔ مرغ جوان کا پیٹ چاک
کرکے گرما گرم سر پر باندھنا سرسام میں نافع ہے۔ بڈھے مرغ کی نسبت نوجوان مرغ کا گوشت بہتر ہوتا ہے ۔ اگر کسی مرغ کی گردن پتلی ہے اور رانیں اودی تو
یہ بوڑھا ہونے کی علامت ہے۔
