ہڑتال ورقی ، زرنیخ طبقی ، ہری تال ، یلو آرسینک سلفائیڈ

ہڑتال ورقی  :

 

 انگریزی نام   YELLOW ARSENIC SULPHIDE

 

(عربی ) زرنیخ طبقی ۔  ( بنگلہ ) ہری تال ۔ (انگریزی) یلو آرسینک سلفائیڈ YELLOW ARSENIC SULPHIDE ۔

 

ایک معدنی چیز ہے جو وزنی ڈلیوں کی شکل میں ہوتی ہے ۔ یہ سنکھیا اور گندھک کا مرکب ہے۔

 

رنگ: زرد چمکدار ۔

 

ذائقہ: پھیکا۔

 

مزاج:  گرم خشک ۳ ۔

 

مقدار خوراک: دوتا چار چاول ۔

 

افعال و استعمال: بد اور زائد گوشت کو کاٹتا ہے ۔ اور مسوں کو دفع کرتا ہے ۔ مراہم میں شامل کرتے ہیں ۔ کشتہ ہڑتال عصبی و بلغمی امراض، لقوہ ، فالج  ،  دمہ ،  استسقاء اور امراض فساد خون مثل آتشک ، جذام اور بھگندر میں کھلاتے ہیں۔ چونے کے ساتھ بال مونڈنے کے لیے بھی استعمال کرتے ہیں ۔