کیتگی :
(ہندی)
کیتگی ۔ (مرہٹی ) سون کیوڑہ ۔
اس کا پیڑ پونڈے کی طرح ہوتا ہے ۔ اس کا پھول
کیوڑے کے پھول سے زیادہ خوشبودار ہوتا ہے مگر اس کا پھول کیوڑے کے پھول سے چھوٹا
ہوتا ہے ۔ درخت کے دوسرے اجزاء میں خوشبو نہیں ہوتی ۔آئین اکبری میں لکھا ہے کہ کیتگی
کا درخت چھ سات سال کی عمر میں پھول لاتا ہے ۔ بھاؤ پرکاش میں لکھا ہے ۔ کہ کیتگی
کیوڑے کی ایک قسم ہے ۔
رنگ: سفید
زردی مائل ۔
مزاج : گرم خشک بدرجہ دوم ۔ بعض معتدل جانتے ہیں ۔
مقدارخوراک: 3
گرام سے 7 گرام تک ۔
مصلح: صندل
سفید ۔
بدل: کیوڑہ ۔
افعال و استعمال:
مفرح قلب ہے ۔ دل دماغ اور تمام اعضاء
کوقوت دیتی ہے۔ اس کے پھولوں کا عرق کیوڑے کے عرق کی طرح کھینچا جاتا ہے اور وہی
خواص و فوائد رکھتا ہے۔ خفقان دل کی گرمی اور حدت صفرا کو مفید ہے۔ اس کا پھول
سونگھنے سے دل ودماغ کو قوت و تفریح حاصل ہوتی ہے ۔
